 |
tammia asked: السلآم عليكم .. صار لي فتره اتابع بصمت و صج تطورتي عن قبل في ملاحظات لو تبتعدين عنها من وجهة نظري بتكون صورج احسن بالنسبه حق الحقوق مرات تخرب من جمال الصوره صح هو لازم تخلين الحقوق في مكان واضح منعاً للسرقه بس بطريقه غير تغيرين الخط او تكبرين حرف او تسوين اي شي لان يخرب من جمال الصوره و يشتت الشخص اللي يشوف و كنت باقول لج عن الجوده بس شفتج راده على اللي سئلت فقلت اسئلج قبل ما اقول شي انتي تحفظينهم بالفوتوشوب ولا بالسينماغراف ؟ اتمنى اكون ما ازعجتج س حبيت اعطيج ملاحظاتي :)) وعليكم السلام والرحمة حابة اقولك … شكرا شكرا شكرا شكرا اولا عالمتابعة ،، وثانيا عالنقد البناء اللي ان شالله يخليني اتطور كل مره للافضل اولا فكرت كثير بخصوص الحقوق … وصحيح الصور تكون احلى بدون اي شي يشتت الانتباه … وبنفس الوقت ابحفظ حقوقي … لذلك ابحاول اخلي الاسم بعيد شوي عن العنصر الاساسي ،،، احطه عالطرف مثلا .. ولو انه في احتمال اكبر انها تنسرق لكن مدام عملي بيكون افضل فلا مانع ان شالله بخصوص استفسارك الثاني … احب انوهك ان الفوتوشوب هو برنامج .. والسينماقراف اسلوب او طريقه لاخراج عمل فني طبعا استخدم الفوتوشوب في كل صوري وبجميع انواعها ، بالسينماقراف لازم احفظه بصيغة الـ GIF عشان تتحرك … للاسف مالقيت للان طريقه ممتازه لحفظ صوره ذات جوده عالية ،يمكن هذا الشي اللي خلاني املّ من عمل السينماقراف ،، اشتغل ساعات وبالاخير خيبة امل كبيرة بالنتيجه اللي هي اصلا مو بيدي اشكرك جزيل الشكر لك … واتمنى ماتوقف ملاحظاتك مهما كانت بسيطة بنظرك بحفظ الرحمن :) |
 |
|
|
Anonymous asked: تصويرك حلو بس جودة الصور قاهرتني :( اتوقع بسبب طريقة حقظك للصورة والله أعلم و قاهرتني انا بعد لانها تكون مره ممتازه قبل الحفظ… حاولت كثير اني العب بالاعدادات وبحثت عن اسباب تشويش الصور واتضح ان صيغه القف ماتدعم جميع الالوان بطريقة ما عشان كذا ماتطلع بجوده ممتازه زي الستل اذا عندك برامج ثانيه او طرق ثانيه تحفظ الصور المتحركة بجوده كويسة ،، لاتحرموني منها |
